MEMAXI kerfið er búið til af einstaklingum sem allir hafa reynslu af því að annast heilabilaða og langveika aðstandendur.  Allir áttu það sameiginlegt að hafa leitað að góðri, einfaldri lausn til þess að koma á skipulagi og góðum boðleiðum án árangurs.  Því varð til hópur hjúkrunarfræðinga, forritara, hönnuða og viðskiptafræðinga sem tók höndum saman að búa til kerfi sem myndi gagnast öðrum í sömu sporum.  MEMAXI varð lausnin og fljótt kom í ljós að lausnin hjálpar ekki eingöngu þeim sem eru með heilabilun eins og Alzheimer heldur öllum þeim sem njóta umönnunar og aðstoðar af einhverju tagi.

Þegar rætt var við fagfólk kom í ljós að ekkert kerfi var til til að halda tengja saman alla þá hópa sem veita aðstoðina og sinna umönnuninni, fjölskylduna, félagsþjónustu sveitarfélaga, heimahjúkrun heilsugæslunnar og einkaaðila. Eins kom í ljós að skráning var mikið til eingöngu á pappír og upplýsingar bárust munnlega milli starfsfólks.

Því varð MEMAXI að veruleika, lausn til að tengja ólíka hópa saman og styrkja þá í samskiptum, skipulagi og skráningu.